Welkom op mien blog http://grunnegerbiebelgedichten.blogspot.com
Noast de Grunneger Biebel is er misschain ook vroag noar Grunneger gedichten over biebeldailen of geleufsgedichten.
De gedichten dai joe hier lezen mag je met vermelden van mien noam ook bruken veur joen liturgie, kerkblad of zukswat.
Ain van mien bouken is ien t Grunnens schreven. Dat is t bouk Grunneger Biebelgedichten. Dit bouk (12,95) ken je ook bestellen via 06 20182396 of via cobytjeert@live.nl Den huif je gain portokosten betoalen. (Aal mien bouken, 11 stuks, bennen bie bestelmijnboek.nl en bol.com te koop en te lain ien biebeltaik van stad.)
Mocht u de Nederlandse vertaling zoeken van deze gedichten, die kunt u vinden op http://schriftgedichten.blogspot.com/
Ik hoop dat elk zich hier thuus vuilt en wens joe n baarg leesplezaaier. Vrundeleke groet van Coby Poelman-Duisterwinkel.

dinsdag 9 januari 2018

Verlöst



O Heer, ik ben zo oplucht
dat Joe mien schuld
begroaven hemmen ien de Hof,
zo ken ik met Joe verder
en dreug mien troanen oaf.

Weer onderweg noar Poasen,
ik dwoal nóg wel es oaf
maar wait mie deur Joe opschoond
ien Joen vergevingslot.

Coby Poelman - Duisterwinkel

zaterdag 6 januari 2018

Verrassend uutzicht

Heer
ien dit laand
woar baargen schoars bennen
en de doalen minder
klinkt t misschain
wat roar
moar Joe begriepen mie
as gain ander
wanneer ik zeg

Heer
as ik Joe nait haar
den was ik noeit zo
zinvol deur de
doalen kommen
den haar ik nimmer
op dai hoge baarg stoan
woar Joe mie van t uutzicht
laiten genieten;
t dal woar ik met Joe
deurhen goan ben.

Der ging gain dag veurbie
of Joe klommen veur mie aan
en aalgedureg keken Joe
of ik der nog was
en Joe beloofden:
as Ik toch oeit
uut t zicht weden mog
Ik hól die ien t oog.

Heer
wat n Lichtglans geven Joe
dat ik Joe kennen mag
Joe kleuren mien leven
met Joen fleur
en steunen mie
dag aan dag.

Coby Poelman-Duisterwinkel

dinsdag 24 oktober 2017

Laive ......



Waist nog wel
dast tiedens dien depressie
zo biezunder veur ons werst,
dat wie die alle doagen
om beurten tot berre uut proatten
en lange wandelingen moakten,
wie met mekander oproemden woar stoe
gain moud veur haast
en de voldouning dai dat gaf?

Wat het dat ons
toch n levenszin geven
dat dien depressie veur ons ogen
stukje bie beetje opheven wer
en dast noa aal dai joaren
nog blied de dag ontmoetst
en laaive .....
noamens de haile groep,
wie danken God
en brengen die Zien groet.

Coby Poelman - Duisterwinkel



vrijdag 20 oktober 2017

Openboaring van n visioen




Zug ik de nije hemel
doalend op onze oarde,
treft mie t levensperspectief
ien t schepperswaark van Voader.

Ik zai Zien lichoam ien n wolk,
deur hemels licht en luuster,
deurzichteg, zwevend worden wie,
Hai stroalt zich deur ons duuster.

Dodendamp daauwt levens
deur oadem van de Heer,
Zien Vredesstad haarbaargt ons hail,
oarde bezingt Zien keer.

Coby Poelman – Duisterwinkel

vrijdag 13 oktober 2017

Sprankelende vernijing

Der ken gain jonge wien
ien olle huden
dai scheuren deur
t broesend, gistend vocht.
Hai moakt t stugge sluutkoord
veur vernijing lös.

Ontsluut veur Hom
wat ien t olle schoelging
en loat die vullen
deur Zien sprankelende
geestverroeming.

Coby Poelman-Duisterwinkel

Bie Lucas 5 : 38