Welkom op mien blog http://grunnegerbiebelgedichten.blogspot.com
Noast de Grunneger Biebel is er misschain ook vroag noar Grunneger gedichten over biebeldailen of geleufsgedichten.
De gedichten dai joe hier lezen mag je met vermelden van mien noam ook bruken veur joen liturgie, kerkblad of zukswat.
Ain van mien bouken is ien t Grunnens schreven. Dat is t bouk Grunneger Biebelgedichten. Dit bouk (12,95) ken je ook bestellen via 06 20182396 of via cobytjeert@live.nl Den huif je gain portokosten betoalen. (Aal mien bouken, 13 stuks, bennen bie bestelmijnboek.nl en bol.com te koop en te lain ien biebeltaik van stad.)
Mocht u de Nederlandse vertaling zoeken van deze gedichten, die kunt u vinden op http://schriftgedichten.blogspot.com/
Ik hoop dat elk zich hier thuus vuilt en wens joe n baarg leesplezaaier. Vrundeleke groet van Coby Poelman-Duisterwinkel.

vrijdag 21 juni 2013

Wisselzang

t Mooie
van de wisselzang
is wat het met je dut.
Zo luusterend noar
wat de mannen zingen
vuil je de uutstroaling
van Christus zulf,
Zien laifde landt
tot ien de daipte
van joen haart.

Zo zegenend bezongen
geef je der antwoord op
ien klanken uut de hoge
weeromkommend
as de daauw

den vuilt het
of de Voader zulf
Zien kiender neudegt
ien Zien traauw.

Coby Poelman - Duisterwinkel

donderdag 20 juni 2013

Vonnen!

Hai raip zien buren
en zien vrunden
omdat Hai mie vonnen haar.
Ik was verdwoald,
verloor mien grenzen
mor Hai zocht deur
tot Hai mie zag.

Woarom mos elk
zien vreugde delen,
was ik zo weerdevol veur Hom?
Nog vuil ik hou zien bliedschap
deur mie beefde,
zelfs buurman zag
het trillen van mien mond.

As Hai toch nait
was blieven zuiken,
dronk ik den oeit Zien toafelwien?
Zien vrunden zellen
met de buren
veur altijd metgetugen.
 
Coby Poelman - Duisterwinkel

Vrij noar Lucas 15 : 3 - 7
 

woensdag 19 juni 2013

Sterren ien de mörn

Doezenden sterretjes
twinkelen ien t gras,
zun spiegelt
regenboogkleuren.
t Groen ien de mörn
as de hemel bie nacht,
t licht van Gods goudhaid
dauwt schitterpracht!

Coby Poelman - Duisterwinkel

zondag 9 juni 2013

Luustervinken



Ik ving wat op vanmörn,
t ging over de preek,
d ain zee tegen d aander;
t was weer zo cliché,
dou zee d aander tegen d ain
bidstoe nog wel es den
veur onze domenee,
nou nee, allaang nait meer,
dou waren ze stil
en ben ik votvlogen,
ik zag nog net
dai doef doar boven.

Coby Poelman-Duisterwinkel
 

donderdag 6 juni 2013

Stille voaderdag




Stille voaderdag

Op dizze stille voaderdag
denk ik aan alle kiender
van wel pa der nait meer is,
vandoag n dag is van gemis.

Geef Heer dat juust op dizze dag
Joen laifde om heur tou weden mag.

Coby Poelman-Duisterwinkel