Moeke leerde t ons al:
noeit kwoad sloapen goan
en goud oafschaid nemen
n dag ken zo ienaind
je leste weden
Mattheüs hoalde
t ien de Biebel aan
as je wat met je bruier hemmen
moak t den doalek
goud met hom
zo nou en den
denk ik doar aan
as ien of om mie hen
onaineghaid ontstait
mag ik dat wat wie
van mien moeke leerden
en wat mie ien t leven
zoveul vrede broacht
hier met joe dailen
Hom ter ere,
mien moeke dankend
veur wat zai ons gaf?
Coby Poelman-Duisterwinkel
Bij Mattheüs 5 : 23 en 24
Geen opmerkingen:
Een reactie posten