Welkom op mien blog http://grunnegerbiebelgedichten.blogspot.com
Noast de Grunneger Biebel is er misschain ook vroag noar Grunneger gedichten over biebeldailen of geleufsgedichten.
De gedichten dai joe hier lezen mag je met vermelden van mien noam ook bruken veur joen liturgie, kerkblad of zukswat.
Ain van mien bouken is ien t Grunnens schreven. Dat is t bouk Grunneger Biebelgedichten. Dit bouk (12,95) ken je ook bestellen via 06 20182396 of via cobytjeert@live.nl Den huif je gain portokosten betoalen. (Aal mien bouken, 13 stuks, bennen bie bestelmijnboek.nl en bol.com te koop en te lain ien biebeltaik van stad.)
Mocht u de Nederlandse vertaling zoeken van deze gedichten, die kunt u vinden op http://schriftgedichten.blogspot.com/
Ik hoop dat elk zich hier thuus vuilt en wens joe n baarg leesplezaaier. Vrundeleke groet van Coby Poelman-Duisterwinkel.

woensdag 14 oktober 2015

De tied van PKN

Der was n tied
dat je hervörmd
of greförmeerd waren
of gewoonweg katholiek.

Nou proat je over PKN
en heur problematiek
evangelies, behollend
of doar wat tussenien

en as ze je nou vroagen
woar zit t verschil den ien
trekken we verlegen schollers op
of schudden wat met kop.

Ain dai der nait ien thuus is
ken der gain kaant met op.

Coby Poelman-Duisterwinkel


Uut: "Grunneger Biebelgedichten"(2013) 

maandag 5 oktober 2015

Gebogen violet



Regenbogend kleurt de hemel
over wel zich overgeeft
aan onontkomboar dood.
De zuster schient ien violet,
heur fluusterstem vörmt n gebed.

Verbonden met de staarvende,
Zien kiend, Zien aarvende,
neemt Hai de oadem dai Hai gaf
en laidt vanuut de Hoge
noar t licht van Zunnebogen.

Coby Poelman - Duisterwinkel


donderdag 1 oktober 2015

Zoaleg sproken

  Joen woorden klinken deur
tot woar ien t uterste van t dal
  ain uutblust ligt ien onderwal.
Hai wait nait wat er heurt.

Nou er ten daipste openstait
veur t Woord dat ook veur hom opgait
  wait er dat Ain zich aan hom steurt.

Coby Poelman - Duisterwinkel


Bie Mattheüs 5 : 4


woensdag 26 augustus 2015

Veur de koordichter


As ik aan t schrieven ben
denk ik voak aan die,
doe trekst mie over mien verlegenhaid hen,
zoastoe ien gesprek gingst met Ik ben,
benuimdest wat hail goud was
mor ook dat wat goud mis ging
en aal die dingen uutsprakst
woarst hail slim spiet van hast.

Kiek, dat ken ik ien die
zo aarg woarderen,
Doe draaist er nait om hen,
doe schrikst er nait veur trug
om wat die deert
publieklek uut te spreken
 en as die de gort goar is
 zegst dat ook.

Doe waist gewoon
Hai luustert
ien aal omstandegheden,
Dat is dien staarke kaant,
doe troost mie ook.

Ien dien gedichten
lees ik n groot vertraauwen,
dat dut wat met mie,
t geft mie zoveul moud.
Zoas God die bielichtte
ervoar k Hom ook bie mie
en dat komt met
deur die!

Coby Poelman - Duisterwinkel

Uut: "Grunneger Biebelgedichten" (2013)

Schreven veur de Biebelvertoalslag van de Liudgerstichten

vrijdag 21 augustus 2015

Kring van kracht



De peerdebloem
is uutbluid,
tere takjes taikenen
n aureool om steel.

n Meneertiekje
bekruupt het pluus,
zien pootjes hoaken
ien t zachte wit
asof t vertellen wil,

wost droagen
deur n kring gebeden
die deur de Wiend verwaaien
noar t Laand van Licht.

Coby Poelman - Duisterwinkel


zaterdag 16 mei 2015

Opbouw noa Boabel


Kiender van God
bouwen mekander op
deur positieve woorden
en geboaren,
bennen er op uut
de vrede te bewoaren,
vuilen mekander aan,
bennen over haile wereld
deur dai holling te verstoan.

n toren tot ien hemel
geft gain vaasteghaid,
ze streven bovenaal
noar soamhöreghaid.

Zo wachten ze op Voader
dai veur t afdoalen
gain toren neudeg het
en wait van opbouwwaarkers heur verlet,
ze kommen Hom aal noader.

Coby Poelman-Duisterwinkel

Het kunstwerk is van Rafael Ruben

donderdag 30 april 2015

Martinikerkgeluud


 Ien t mörnlicht van de veurjoarszun
torent er boven Grunnen uut,
klokken roupen t vertraauwd geluud
van zundagsnuigen en nij begun.

Örgel speult boven echo’s van Zien Woord,
De olle grieze wait wat er bewoart.  

Coby Poelman - Duisterwinkel

zondag 29 maart 2015

De hoan ien t haart

Nee Petrus, ook doe redst t nait,
al dustoe zo dien best,
ook doe bist nait voornoamer
of beter as de rest.

Wel zunder zunde is
het gain verlet van n Redder
doarom brocht Jezus’ reddenstocht
elk mens n heul stuk verder.

Al zel der altied wel ain wezen
dai zegt ik ken Hom nait,
de Heer dai ons loat leven
deurzucht ook zien verdrait,

Al heuren wie gain taiken,
zain wie Zien ogen nait goan,
als ‘k ooit as Petrus Hom ontken
kraait ien mien haart n hoan.

Coby Poelman-Duisterwinkel