As op n dag
gericht
n doef verschient
veur n open roam,
wegmaait wat
veur zien voeten ligt,
n rondje deur
de koamer vlugt
en den verdwient
is dat den nait n taiken
van Hom veur ons bedoeld,
vuil ik de oademtocht
nog ien de roemte?
Mien geest verroemt
bie de gedachte
dat wat er ook mor
veur zien voeten ligt
Hai uut de weg roemen zal
veur mie openstoand,
ien warme laifde
wegen boant.
Coby Poelman-Duisterwinkel.
Geen opmerkingen:
Een reactie posten