Zugst dat
dai wolk, dai lichte,
doar ging Er ien
kiek den, Hai gait omhoog
wat zee Er ook alweer
mouten wie wachten
zol er n belofte
ien vervullen goan?
Hou zol dat weden
as je met Geest
ien ploats van wotter
deupt worden
en den dai kracht
dai wie doarvan kriegen
zol dai ons helpen
om te vertellen over Hom?
Kiek nou,
Hai gait aal hoger,
wordt aal voager
waistoe nog wat Hai over
uutenden van de oarde zee?
Hou kennen wie nou zunder Hom...
Oe, wat n licht, stil, luuster
Ze zeggen dat Hai ook
weeromkomt op n wolk.
Zollen we mor doun
wat of Hai zegd het
totdat wie deupt worden
met de Geest
kom loat ons opgoan
biddend wachten
op wat de Voader
ons beloofd het
ien de Zeun.
Coby Poelman-Duisterwinkel
Bie Handelingen 1 : 3 - 15
Geen opmerkingen:
Een reactie posten