Der hangt n jas
over n stain,
n heule zwoare jas,
vol oafgunst, slechthaid,
kwoadsprekerai,
bedrog en huicheloarai.
Der was ain
dai de Petrus-braif las
en doacht:
dai oafkeurde stain,
’t was Jezus toch
dai zee:
Geef mor aan mie,
zunder dai jas
bist beter oaf,
kom, warm die mor bie mie.
Nou hangt dai jas
over n stain
ien de verloaten hof
en aargens bouwt
ain zunder jas
slim oplucht
en vol lof.
(Vrij noar 1 Petrus 2 : 1 t/m 10)
Coby Poelman - Duisterwinkel
Geen opmerkingen:
Een reactie posten