Welkom op mien blog http://grunnegerbiebelgedichten.blogspot.com
Noast de Grunneger Biebel is er misschain ook vroag noar Grunneger gedichten over biebeldailen of geleufsgedichten.
De gedichten dai joe hier lezen mag je met vermelden van mien noam ook bruken veur joen liturgie, kerkblad of zukswat.
Ik hoop dat elk zich hier thuus vuilt en wens joe n baarg leesplezaaier. Vrundeleke groet van Coby Poelman-Duisterwinkel.
(Mien bouken bennen nou ook bie bol.com te koop en te lain ien biebeltaik van stad.)
Op http://www.audiogedichten.nl/audio/profielpagina/userprofile/Poelman ken je veurdrachten beluusteren.
Mocht u de Nederlandse vertaling zoeken van deze gedichten, die kunt u vinden op http://schriftgedichten.blogspot.com/
NIJS: Het bouk "Granaatjes met een gouden slot", gedichten en verhalen, is verschenen op 21 juli 2015 bie uutgever Noordboek/Friese pers. Ien de eerste week van november is de herdruk verschenen.
http://www.noordboekwinkel.nl/granaatjes-met-een-gouden-slot.html


dinsdag 25 oktober 2016

Pelgrimsuutzicht



Enkel deur
Joen oademtocht
leef ik
aan Joe verknocht
mien oardse leven
woarien ik
ien mien oademtocht
bezing,
aan dizze oard verknocht,
Joen hemelse zingeven.

Wanneer ik Joe ontmouten zal,
zai ik Joen wolk nog landen
of zweeft mien ziel
deur het heulal
aantrokken deur Joen handen,

is den mien pelgrimsrais
veurbie en oademt nog
Joen Geest ien mie
met licht beklaid
deurzingend over stranden,

Heer, Joe allain waiten
hou ons haart blieft branden.

Coby Poelman-Duisterwinkel

Geen opmerkingen:

Een reactie plaatsen