Welkom op mien blog http://grunnegerbiebelgedichten.blogspot.com
Noast de Grunneger Biebel is er misschain ook vroag noar Grunneger gedichten over biebeldailen of geleufsgedichten.
De gedichten dai joe hier lezen mag je met vermelden van mien noam ook bruken veur joen liturgie, kerkblad of zukswat.
Ain van mien bouken is ien t Grunnens schreven. Dat is t bouk Grunneger Biebelgedichten. Dit bouk (12,95) ken je ook bestellen via 06 20182396 of via cobytjeert@live.nl Den huif je gain portokosten betoalen. (Aal mien bouken, 13 stuks, bennen bie bestelmijnboek.nl en bol.com te koop en te lain ien biebeltaik van stad.)
Mocht u de Nederlandse vertaling zoeken van deze gedichten, die kunt u vinden op http://schriftgedichten.blogspot.com/
Ik hoop dat elk zich hier thuus vuilt en wens joe n baarg leesplezaaier. Vrundeleke groet van Coby Poelman-Duisterwinkel.

woensdag 7 juni 2017

t Kiend



Ik was aan t speulen
toen Jezus mie raip.
Hai ston met wat mensen te proaten.
Hai zette mie midden ien de kring,
eerst haar ik niks ien de goaten
maar toen Hai tegen volwassenen zee
dat zai net zo worden mossen as wie
keek ik omhoog en zag verboasd
dat laive gezicht van Jezus.
Zien haand op mien scholler,
Zien stem zo dichtbie.
Hij boog zich noar mie over.

Wat Hai verder nog zee
was te moeilek veur mie.
Hai haar t over bekeren.
Moar dai blik ien zien ogen,
Zien vrundleke stem
bleef mie mien leven lang bie.
t Waren zukke mooie woorden
en elk dai ze mor heuren wol
wer opnij geboren.

Coby Poelman-Duisterwinkel.

Bie Mattheus 18 : 1-5


Geen opmerkingen:

Een reactie posten